Германскиот претседател Франк-Валтер Штајнмајер од 29 ноември до 1 декември ќе престојува во официјална посета на Македонија.
Посетата на Штајнмајер, како што се наведува на официјалната веб страна на германскиот претседател, треба да се фокусира на ситуацијата во регионот, влијанието на руската агресивна војна во Украина и тековната поддршка на Германија за перспективите на земјата за пристапување во ЕУ.
Видете и ова: Шолц: време е да се надминат внатрешните конфликти во Западен БалканОва е прва посета на федералниот претседател Штајнмаер на Македонија.
Во Скопје, како што е најавено, се планирани политички разговори на 29 и 30 ноември, меѓу другото, со претседателот Стево Пендаровски и премиерот Димитар Ковачевски, а Штајнмајер треба да се обрати и во Парламентот, да се сретне со млади луѓе во Претседателскиот центар за политичко образование, да разговара со филмската екипа на филмот „Медена земја“ и да го посети првиот ветерен парк во земјата во Богданци.