Министерот за надворешни работи Бујар Османи на денешниот брифинг со нивинарите најави дека Владата работи на ново системнско законско решение за здруженијата и фондациите.
„Од моја страна беше најавено дека ќе ѝ предложам на Владата. Владата излезе со решение дека ќе има нов закон кој што веќе почнува да се работи и новиот закон ќе биде испратен до Венецијанската Комисија пред да биде усвоен, што значи истата цел се постигнува. Меѓутоа, тоа е пристапот на Владата. Мора да се разговара дополнително. Меѓутоа првите индикации од Владата се дека треба нов закон, бидејќи ова беше решение ад хок, решение за моментот“, рече министерот за надворешни работи.
Сега се прави ново системско решение за законот за здруженијата, додаде Османи, одговарајќи на новинарско прашање во која фаза е најавата за испраќање на Законот за здруженијата до Венецијанската Комисија.
Со измените во Законот за здруженија се забранува основање и упис на организации чие име и програма, поттикнува и повикува на воена агресија, разгорување на национална, расна, верска омраза или друга нетрпеливост, нетолеранција, како и ширење и поттикнување фашизам и нацизам.