Колумбиската пејачка Шакира нема да пее на церемонијата за отворање на Светското првенство во Катар в недела, објави денеска шпанската новинска агенција ЕФЕ, повикувајќи се на неименувани извори блиски до пејачката. Последните денови се шпекулираше дека Шакира ќе настапи в недела, пренесува Бета.
И понатаму не се знае кои изведувачи ќе го отворат првенството, зашто некои светски ѕвезди одлучија да не учествуваат поради општествено-политичката состојба во Катар.
Вашиот пребарувач не подржува HTML5
Медиумите пренесоа дека ќе настапат колумбискиот пејач Малума, кој треба да ја испее официјалната песна на првенството, како и Ники Минаж и либанската пејачка Мирјам Фарес.
Песната „Вака Вака“ на Шакира беше официјална песна на Светското првенство во Јужна Африка во 2010 година.