Претседателката на Европската комисија Урсула фон дер Лајен и германскиот канцелар Олаф Шолц потврдија дека постои француско-германски предлог за решавање на споровите меѓу Косово и Србија.
Како што јавува дописничката на Радио Слободна Европа од Брисел, двајца европски дипломати изјавиле дека тој веќе е вклучен во дијалогот меѓу Косово и Србија.
За време на посетите на европските и американските посредници во октомври, во јавноста се појави информација дека Франција и Германија на лидерите во Приштина и Белград им дале предлог како да се реши долгогодишниот спор меѓу двете земји.
Овој предлог не е објавен во јавноста и не се знае што точно содржи.