Рускиот претседател Владимир Путин денеска изјави дека се надева оти воената ситуација на неодамна припоените украински територии ќе се „стабилизира“, и покрај тешкотиите со кои се соочуваат руските трупи под притисок на украинската контраофанзива во тие области.
„Поаѓаме од принципот дека ситуацијата ќе се стабилизира и ќе можеме да ги развиваме тие зони на мирен начин“, рече Путин.
Минатата недела, Русија анектираше четири украински региони кои се делумно под нејзина контрола, по референдумите кои Киев и нејзините западни сојузници ги оценија како измамнички.
Сепак, Кремљ призна дека не ги определил дефинитивно границите на припоените територии.
Украинските сили продолжуваат со контраофанзивата и освоија нови територии на исток и југ, во зоните кои штотуку беа анектирани од Русија.
Путин рече дека од резултатите од референдумот за анексија не само што се „задоволни туку и изненадувачки“ со оглед на „тешките услови“ во тие области.
„Резултатот е повеќе од убедлив и целосно транспарентен без никакво сомневање“, рече Путин.