Рускиот претседател Владимир Путин во денешното телевизиско обраќање изјави дека наредил делумна мобилизација во земјата која стартува денеска. „Ќе ги искористиме сите ресурси за да го одбраниме нашиот народ. Западот ги премина сите граници на неговата агресија врз Русија“, рече Путин, наведувајќи дека неговата цел е да го „ослободи“ источно украинскиот регион Донбас и оти повеќето луѓе во тој регион не сакаат да се вратат на она што го нарече „јарем“ на Украина.
Медведев: формално инкорпорирање на украинските региони во Русија
„Ние немаме право да се откажеме од овие луѓе“, рече Путин, наведувајќи дека и наредил на владата да им даде правен статус на волонтерите кои се борат во Донбас и да најде средства за да го зголеми производството на оружје. Рускиот претседател го обвини Западот дека учествува во нуклеарна уцена против Русија.
Обраќањето на Путин, беше најавено за синоќа, но беше одложено за денеска.