Американскиот претседател Џо Бајден ќе биде домаќин во Белата куќа на денешниот самит Стоиме обединети за да се спротивстави на корозивните ефекти на насилството поттикнато од омраза врз демократијата и јавна безбедност, Самитот, како што е соопштено во Вашингтон, ќе ги собере хероите од цела Америка кои ја водат историската работа во нивните заедници за да изградат мостови и да се справат со омразата и поделеноста, вклучително и преживеаните од насилството поттикнато од омраза.
САД ги осудуваат коментарите на унгарскиот премиер Орбан за расите
Самитот ќе вклучи двопартиска група составена од федерални, државни и локални функционери, групи за граѓански права, верски лидери и лидери на заедницата, лидери во технологија и бизнис, службеници за спроведување на законот, поранешни членови на насилни групи на омраза кои сега работат на спречување насилство, претставници на медиумите и културни личности. Самитот „Стоиме обединети“, како што наведуваат од Белата куќа, ќе претставува важна можност за Американците од сите раси, религии, региони, политички определби и општествени сфери заедно да ја преземат таа кауза.