Иран денеска испрати писмен одговор на предлозите на САД со цел заживување на неговиот нуклеарен договор од 2015 година со светските сили. Портпаролот на иранското Министерство за надворешни работи, Насер Канаани, во изјава рече дека „испратениот текст има конструктивен пристап со цел финализирање на преговорите“. Тој не даде детали за содржината на текстот. Иранските државни медиуми соопштија дека одговорот на Техеран бил испратен до шефот за надворешна политика на ЕУ Жозеп Борел, кој ги координира преговорите.
Иран ги обвинува САД за запирање на нуклеарните преговори
По 16 месеци индиректни разговори меѓу Иран и Соединетите држави, Борел во август рече дека ЕУ ја дала последната понуда за надминување на ќорсокакот за заживување на расипаниот нуклеарен договор. Стејт департментот потврди дека го добил одговорот на Иран преку Европската унија. „Го проучуваме и ќе одговориме преку ЕУ, но за жал тоа не е конструктивно“, соопшти Стејт департментот, исто така не образложувајќи што содржи предлогот на Иран. Стејт департментот исто така наведе дека Меѓународната агенција за атомска енергија треба да се откаже од своите „политички мотивирани истраги“ за нуклеарната работа на Техеран.