Основачот и поранешен шеф на Комитетот против тортура во Русија Игор Каљапин е хоспитализиран откако бил нападнат од неидентификуван напаѓач кој полицијата го привела. Тој бил нападнат синоќа во регионот Нижни Новгород. Напаѓачот се обидел да го прободе Каљапин со парче скршено стакло и да го задави. „Нашиот колега успеа да повика полиција и напаѓачот беше приведен. Сега е во тек истрага. Жртвата е во болница со симптоми на потрес на мозокот“, напиша Советот. Во овој момент, не е јасно дали нападот е поврзан со активностите за човекови права на Каљапин. Колешката на Каљапин, Наталија Курекина, изјави дека напаѓачот се претставил како детектив на градската полиција Нижни Новгород.
Европскиот суд пресуди: Рускиот закон за странски агенти ги крши човековите права
Каљапин ја напушти функцијата во Комитетот претходно оваа година, откако тој и неговата мајка се соочија со притисок и заплашување од непознати лица кои најверојатно биле поврзани со властите. Комитетот против тортура беше додаден во регистарот на странски агенти на Министерството за правда претходно оваа година, по што групата ја објави својата одлука за затворање. Подоцна, организацијата рече дека ќе ги продолжи своите активности за човекови права под ново име - Тим против тортура.