Најмалку 11 лица загинаа, а најмалку 25 се потешко повредени утринава кога автобус со полски регистарски таблички излетал од автопатот во правец кон Загреб.
Сообраќајната несреќа се случила околу 5 часот и 40 минути на 62-от километар од автопатот во правец кон Загреб, меѓу местата Јарек Бисашки и Подворец, јавуваат хрватските медиуми.
Ангажирани се неколку екипи за итни случаи од Вараждинската жупанија и Загреб, а на терен се и пожарникарите од Вараждин и Загреб.
Сообраќајот има една лента, со регулација на полициски службеници.
Хрватскиот авто-клуб објави известување дека меѓу клучките Брезнички Хум и Комин во правец кон Загреб, се вози со ограничување на брзина на 40 километри на час.