Бугарскиот трговец со оружје Емилијан Гебрев, сопственик на компанијата ЕМКО, која стопанисува со магацините за мнуниција кај Карнобат кои вчера се запалија изјави дека има камери и безбедносна опрема кои снимиле што се случувало во магацините. Според Гебрев, имало видео запис дека чуварите не го напуштале работното место. По сигнализацијата на системот, обезбедувањето тргнало да провери што се случува.
Експлозии во складиште за муниција во Бугарија
Во меѓувреме, истражувачкиот новинар Христо Грозев од меѓународната платформа Bellingcat коментира дека лицето кое го нарушило безбедносниот периметар на магацините кај Карнобат, најлогично е да е претставник на Русија, но не ја исклучува можноста дека станува збор за некој кој во Бугарија има проблем со Гебрев. Истражителите ќе можат да влезат во магацините дури во вторник, откако ќе се утврди дека нема опасност од други експлозии.