Претседателот на Бугарија Румен Радев денеска ја започнува официјалната посета на Црна Гора на покана на неговиот црногорски колега Мило Ѓукановиќ. Бугарскиот претседател и неговата сопруга Десислава Радева ќе бидат пречекани од Ѓукановиќ и неговата сопруга со официјална церемонија во претседателската резиденција во старата црногорска престолнина Цетиње.
Бугарија блиску до нови избори, „Продолжуваме со промената“ не успеа да формира коалиција
Радев и Ѓукановиќ ќе разговараат за продлабочување на билатералната соработка во економијата, образованието, науката, иновациите и технологијата, партнерството во сферата на безбедноста и одбраната, регионалната соработка во Југоисточна Европа, како и европска перспектива на Црна Гора. Радев во Подгорица ќе биде примен од црногорскиот премиер Дритан Абазовиќ и претседателката на Собранието на Црна Гора Даниела Ѓуровиќ.