Членовите на независната меѓународна истражна комисија на ОН за Украина кои се на својата прва мисија во земјата од 7 до 16 јуни, денеска ќе одржат прес конференција. Комесарите посетија неколку локации во Украина, вклучително и Лвив, Киев, Харкив и Суми, за да добијат информации од прва рака за наводните прекршувања на човековите права и злоупотреби и кршење на меѓународното хуманитарно право. Тројцата комесари кои учествуваат во мисијата, Ерик Меус, Јасминка Џумхур и Пабло де Грајф, се сретнаа со владини претставници, претставници на граѓанското општество и агенции на ОН, за да разговараат за ситуацијата во земјата.
АИ ја обвини Русија за воени злосторства во Украина
Како што е наведено, Меѓународна истражна комисија на ОН за Украина е независно тело наложено од Советот за човекови права на ОН, меѓу другото, да ги истражи сите наводни прекршувања и злоупотреби на човековите права и кршење на меѓународното хуманитарно право и поврзаните злосторства во контекст на руска агресија врз Украина; да ги утврдат фактите, околностите и основните причини за какви било такви прекршувања и злоупотреби и собира и анализира докази за такви прекршувања и злоупотреби. Комисијата ќе поднесе извештај за своите активности до Генералното собрание на ОН во октомври 2022 година и до Советот за човекови права на ОН во март 2023 година.