Шолц: Путин нема да победи во војната во Украина

Владимир Путин нема да победи во војната во Украина, изјави германскиот канцелар Олаф Шолц, оценувајќи дека рускиот претседател веќе не успеал во сите свои стратешки цели.

Планот на Русија да ја заземе цела Украина е „подалеку денес отколку што беше на почетокот“ на нејзината инвазија на 24 февруари, бидејќи Украина постави импресивна одбрана“ рече Шолц на Светскиот економски форум во Давос.

„Нашата цел е кристално јасна - Путин не смее да победи во оваа војна. А јас сум убеден дека нема да победи во неа“, рече германскиот канцелар.

Тој истана дека Путин сериозно ќе преговара за мир „само откако ќе сфати дека нема да може да ја пробие одбраната на Украина. Притоа додаде дека трошоците за Русија се огромни и растат секојдневно.

• Руските сили напредуваат кон клучните градови во источна Украина

Притоа тој вети дека ќе продолжи да го поддржува Киев за да го натера рускиот претседател сериозно да преговара за да стави крај на неговата инвазија.

„Треба да му се стави јасно до знаење на Путин дека нема да диктира мир. Украина нема да го прифати тоа, ниту ние“, рече Шолц.

Германскиот канцелар го заврши годишниот состанок на Светскиот економски форум со говорот во Давос.

• Кулеба повика да се „убие рускиот извоз“

Неговото обраќање доаѓа по неколкудневни дискусии за војната на Русија во Украина, глобалната криза со храна, климатските промени и други жешки прашања.

Годишниот собир на елити, кој двапати беше суспендиран поради пандемијата на Ковод 19, беше во сенка на војната во Украина.