Американскиот претседател Џо Бајден ги поддржа обидите на Финска и Шведска да се приклучат на НАТО во лицето на руската инвазија на Украина и рече дека САД ќе останат будни против какви било закани за нивната безбедност.
„Топло ги поздравувам и силно ги поддржувам историските апликации од Финска и Шведска за членство во НАТО и со нетрпение очекувам да работам со Конгресот на САД и нашите НАТО сојузници за брзо доведување на Финска и Шведска во најсилниот одбранбен сојуз во историјата“, рече Бајден.
Бајден додаде дека САД „ќе соработуваат со Финска и Шведска за да останат будни против какви било закани за нашата заедничка безбедност и да се одвратат и да се спротивстават на агресијата или заканата од агресија“.
Шефот на НАТО Јенс Столтенберг изјави дека Финска и Шведска официјално поднеле барање за членство во Западната алијанса поради загриженоста за руската војна во Украина.
„Топло ги поздравувам барањата на Финска и Шведска за влез во НАТО. Вие сте нашите најблиски партнери“, им рече Столтенберг денеска на новинарите, откако ги прими писмата за апликација од амбасадорите на двете нордиски земји. НАТО го оцени потегот како „историски ден“.