Чешка смета дека и треба повеќе време да го спроведе предложеното ембарго на ЕУ за руската енергија поради „тешките економски трошоци“ кои индустрискиот сектор на земјата без излез на море би ги платил за таков потег.
Микулас Бек, чешкиот министер за европски прашања, во денешното интервју за РСЕ изјави дека земјата не може само да го запре увозот на залихи од Русија, бидејќи тоа ќе го осакати производството на бензин, што ќе има голем ефект врз транспортот и индустријата, правејќи да биде невозможно е да се поддржи Украина „ако имаме практична криза на економијата во земјата“.
Чешката Република, која добива околу половина од увозот на сурова нафта од Русија, го нарече чекор во вистинската насока последниот предлог на Европската комисија да и се даде исклучок на земјата од забраната за руската нафта до средината на 2024 година, иако премиерот Петр Фиала рече дека разговорите се уште се во тек.
Бек рече дека ставот на Чешка за ембаргото за нафта не треба да се толкува како знак дека земјата не ја поддржува Украина во борбата поради неиспровоцирана инвазија од Русија бидејќи „ние сме подготвени да ја снабдуваме со оружје цело време“.
„Ние ги поддржуваме бегалците и што се однесува до нафтата, ни треба европско решение за проблемот. Ние го бараме тоа“, рече тој.
Европската комисија предложи нов пакет санкции против Русија, шести по ред, откако започна инвазијата на 24 февруари. Централниот дел на пакетот е целосно укинување на увозот на нафта од Русија во ЕУ до крајот на годината.
Унгарија и Словачка веднаш добија исклучоци од тој рок за уште една година, додека Чесите, исто така, побараа подарежлив период на исклучување. Сите три земји во голема мера зависат од руската сурова нафта. Пронаоѓањето нови рути за снабдување е исто така проблем бидејќи сите три се без излез на море и на тој начин имаат помалку опции за рути за снабдување.
Според неколку дипломати запознаени со преговорите, во последниот компромисен пакет за кој се разговара во Брисел се наведува дека Унгарија и Словачка треба да ја прекинат руската нафта до крајот на 2024 година, а Чешка до јуни истата година.
Будимпешта веќе посочи дека таков рок не е прифатлив и се очекува разговорите да продолжат во текот на викендот.
Бек, кој истакна дека капацитетот на цевководите меѓу Германија или Австрија и „не е доволен“ за да се надомести изгубените руски резерви, рече дека продолжувањето на рокот од „можеби две години треба да биде доволно“.
„Можеби би можеле да бидеме побрзи, но тоа е техничка дебата за темпото на проширување на гасоводите“, рече Бек.
Иако забраната за рускиот гас моментално не е на преговарачка маса во ЕУ, постојат стравувања дека Москва би можела да ги намали испораките на повеќе земји откако го најави прекинот на испораките за Бугарија и Полска.
На прашањето дали Чешка ќе се справи ако Русија одлучи да ги запре испораките, Бек рече дека „ќе го преживееме тоа, но со големи економски трошоци, тоа е сосема јасно бидејќи ќе има намалување на испораките за компаниите“.
Но, додаде тој, „дефинитивно ќе обезбедиме доволно гас за да се загреат домаќинствата“.