Еврогрупата денеска ќе се состане преку видео конференција, за да разговара за нацрт планот за работа за комплетирање на Банкарската унија. Комплетирањето на банкарската унија е клучна европска цел насочена кон понатамошно зајакнување на финансискиот сектор на ЕУ. На самит на ЕУ во декември 2020 година, лидерите и дадоа задача на Еврогрупата да подготви, врз консензуална основа, етапен и временски ограничен работен план за сите извонредни елементи потребни за комплетирање на Банкарската унија.
„Нуклеарна опција“: Што ќе се случи ако Русија биде отсечена од системот СВИФТ?
Лидерите уште еднаш го истакнаа овој мандат на нивната неформална средба во Версај на 10-11 март 2022 година, нагласувајќи дека банкарската унија мора да биде дел од равенката за финансирање на потребите на европската економија. „Потребна ни е силна банкарска унија за да ја подобриме нашата конкурентност, да ја зајакнеме нашата улога во светот и да ја финансираме транзицијата кон позелена и дигитална економија. Тоа ни е потребно и за да ја подобриме нашата отпорност, стабилност и заштита на даночните обврзници и штедачите“, изјави Пасхал Донохое, претседател на Еврогрупата.