Претставници на опозициската коалиција „Мораме“ и на политичката платформа „Солидарност“ при протестниот првомајски марш низ Белград положија цвеќе на споменикот на теоретичарот и лидер на социјалистичкото движење Димитрија Туцовиќ.
Организаторите на протестот повикаа на солидарност во борбата за „достоинствен живот на работникот“. Демонстрантите покрај транспарентите со себе носеле и големи цртежи со ликовите на загинатите осумина рудари на 1 април 2022 година.
Претставникот на политичката платформа „Солидарност“ Милош Баковиќ изјави дека одблежеувањето на меѓународниот Ден на трудот има смисла само ако борбата за работничките и социјалните права се води секој ден.
Илјадници работници излегоа на првомајскиот протест во Скопје
Претходно, во центарот на Белград посебен првомајски марш организираше и невладината организација „Независност“ чии претставници повикуваат на организација на работниците во синдикати.
„Оправи се и организирај се во синдикат“ беше паролата која ја носеа демонстрантите повикувајќи дека тоа е единствен начин за заштита на работничките права.