Папата Франциск за време на одбележувањето на Велигден ги повика лидерите да ја слушнат молбата на народот за мир во Украина критикувајќи ја Русија дека ја вовлекува земјата во „суров и бесмислен“ конфликт.
Говорејќи пред околу 50.000 луѓе на плоштадот Свети Петар за време на неговото обраќање, папата рече дека Украина е „силно погодена од насилството и уништувањето на суровата и бесмислена војна во која беше вовлечена“.
Русија ја започна инвазијата на Украина на 24 февруари. До вчера, според Обединетите нации, во земјата загинале 1.964 лица, а 2.613 биле ранети.