Претседателот на Претседателството на БиХ, Шефик Џаферовиќ, изјави дека се оправдани санкциите што вчера ги воведе Британија за српскиот член на Претседателството на БиХ Милорад Додик и за претседателката на Република Српска Цвијановиќ. „Британија е еден од сведоците на Дејтонскиот договор и член на Советот за имплементација на мирот, затоа е неопходно да се реагира кога Дејтонскиот договор е поткопан, а токму тоа го прават властите на Република Српска“, изјави Џаферовиќ.
Британија воведе санкции за Додик и Цвијановиќ
Според него, преку низа неуставни закони, одлуки и заклучоци, властите на РС удриле врз Дејтонскиот мировен договор и 27 години од неговото спроведување. „Со тоа, стабилноста е сериозно загрозена и мирот во БиХ е разнишан, што е особено загрижувачко, имајќи ја предвид руската агресија врз Украина, како и фактот што властите на РС на чело со Додик ја поддржуваат таа агресија“, посочи Џаферовиќ. Британија воведе санкции врз Цвијановиќ и Додик, поради, како што е наведено, обиди за поткопување на легитимитетот и функционалноста на БиХ.