Австрискиот канцелар Карл Нехамер денеска во Москва ќе се сретне со рускиот претседател Владимир Путин, соопшти австриската влада. Тоа ќе биде прв состанок лице-в-лице помеѓу Путин и еден лидер на Европската унија 24 февруари кога Русија изврши инвазија врз Украина. „Ние сме воено неутрални, но со јасна позиција за руската војна за агресија врз Украина", напиша Нехамер на Твитер, додавајќи: Мора да престане! Потребни се хуманитарни коридори, прекин на огнот и целосната истрага за воени злосторства". Портпаролот на Кремљ Дмитриј Песков потврди дека Путин ќе одржи разговори со Нехамер.
Зеленски: Украина е подготвена да ги продолжи преговорите со Русија, но и да се бори
Планираниот состанок со рускиот лидер следи откако Нехамер во саботата се сретна со украинскиот претседател Володимир Зеленски. Путин во голема мера се избегнува од страна на западните лидери од почетокот на конфликтот, иако тој се состана со израелскиот премиер Нафтали Бенет во Кремљ во почетокот на март. Неутралната Австрија обезбедува хуманитарна помош за Украина, како и шлемови и оклоп на телото за цивили, а не и оружје. Нехамер изјави дека ги информирал другите европски партнери во врска со неговата посета на Москва, вклучувајќи ги и претседателката на Европската комисија Урсула фон дер Лејен, претседателот на Европскиот совет Шарл Мишел, германскиот канцелар Олаф Шолц, турскиот претседател Тајип Ердоган „и, се разбира, исто така, украинскиот претседател Зеленски“.