Американскиот претседател Џо Бајден изјави дека заканата Русија да употреби хемиско оружје против Украина е „реална“, откако и шефот на НАТО Јенс Столтенберг предупреди на „далекусежни последици“ доколку Москва користи такво оружје.
„Мислам дека тоа е вистинска закана“, рече Бајден денеска пред заминувањето за Европа, каде што ќе се сретне со НАТО, Г7 и сојузниците на Европската унија за да разговараат за руската инвазија на Украина, која е во својата четврта недела и наидува на жесток отпор од украинските војници и цивили.
Неколку западни функционери, вклучително и Столтенберг, постојано предупредуваа дека Русија може да употреби хемиско оружје во Украина и дека таквиот потег би бил воено злосторство.
„Секоја употреба на хемиско оружје целосно би ја променила природата на конфликтот, тоа би било очигледно кршење на меѓународното право и би имало далекусежни последици“, изјави денеска Столтенберг од Брисел.
Претходно овој месец, Русија побара состанок на 15-члениот Совет за безбедност на ОН за да се решат наводите на Москва за „биолошките активности“ на САД во Украина - обвинение поднесено без никакви докази и демантирано од Вашингтон и Киев.
Претставникот на САД во Обединетите нации, Линда Томас-Гринфилд, рече дека Вашингтон е „длабоко загрижен“ .
„Русија има историја на лажно обвинување други земји за прекршувањата што самата Русија ги прави“, изјави Томас-Гринфилд.
Руската започна воена инвазија во Украина на 24 февруари, што резултираше со стотици цивилни жртви, огромна материјална штета и над 3,6 милиони бегалци надвор од границите на земјата.