Северна Кореја повторно лансираше ракети, очигледно користејќи систем за лансирање на повеќе проектили, соопшти јужнокорејската војска, што е најновото во серијата севернокорејски ракетни тестови.
Во соопштението на јужнокорејската војска не се наведува дострелот, насоката или типот на лансираното оружје, но се вели дека војската внимателно ја следи ситуацијата.
Јужнокорејската новинска агенција Јонхап објави дека Северна Кореја истрелала четири ракети во рок од еден час од провинцијата Јужен Пјонгјанг во морето во близина на западниот брег на земјата.
Советот за национална безбедност на Сеул одржа итен состанок за да разговара за лансирањето, се додава во извештајот.
Оваа година, Северна Кореја изведе 11 рунди лансирања. Минатата недела, неуспешното лансирање на севернокорејската ракета доведе до експлозија во воздухот, а фрагменти од ракети наводно паднале во близина на Пјонгјанг.