Во изминативе 24 часа се евидентирани 319 нови случаи на новозаболени од ковид-19 од направени вкупно 2.250 тестови покажуваат податоците на Институтот за јавно здравје. Дополнително денеска се регистрирани и 288 оздравени пациенти и две починати лица, соопшти Министерството за здравство.
Од вкупниот број на позитивни (319), регистрирани се 54 реинфекциии.
Во текот на изминатите 24 часа, регистрирани се две починати лица, од Скопје (69г и 71г), починати во болнички услови. Кај пријавените починати лица (2), се регистрирани коморбидитети.
Досега во земјата се направени вкупно 1.933.038 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 302.867, бројот на оздравени пациенти е 291.719, на починати е 9.164, а бројот на активни случаи изнесува 1.984.