Полскиот премиер Матеуш Моравјецки ги повика лидерите на земјите од Европската унија, САД и Велика Британија да го посетат главниот град на Украина за да покажат солидарност.
Премиерот на Полска за германскиот весник Билд изјави дека тие треба да го посетат Киев, да им погледнат во очите на жените и децата таму и да им помогнат да ги спасат животите и нивната независност.
Тој рече дека Украинците се борат за вредностите на Европа и западниот свет.
Киев е постојано гранатиран откако Русија започна инвазија на Украина на 24 февруари. Премиерите на Полска, Чешка и Словенија го посетија Киев во вторникот и се состана со украинскиот претседател Володимир Зеленски во знак на поддршка.
Амбасадорот на Украина во Германија, Андриј Мелник, рече дека иако посетата можеби беше симболична политика, тоа сепак им даде храброст на луѓето, на оние повеќе од два милиони луѓе кои остана во Киев.
Мелник исто така го повика Шолц да отпатува за Киев.