Американскиот Стејт департмент издаде нов совет во кој ги повикува Американците во Украина да ја напуштат земјата што е можно поскоро, зајакнувајќи ги претходните предупредувања кои ги повикуваа американските граѓани да „размислат“ за таква акција. „Не патувајте во Украина поради зголемените закани од руска воена акција и ковид-19“, се вели во советот од 10 февруари во кој се додава: „Оние во Украина треба да заминат сега преку комерцијални или приватни средства. Ако останете во Украина, бидете внимателни поради криминал, граѓански немири и потенцијални борбени операции доколку Русија преземе воена акција. Некои области имаат зголемен ризик“.
Пентагон: Руските сили продолжуваат да доаѓаат до границите на Украина
Официјален претставник на Белата куќа- руската инвазија на Украина може да се случи „секој ден“
Тензиите се високи во регионот поради напливот на дипломатски активности во кои се вклучени западните лидери и Русија по потезите на Москва да собере најмалку 100.000 војници во близина на нејзината граница со Украина. Западните лидери изразија загриженост за можна нова инвазија на Русија во нејзиниот сосед и ривал Украина. Русија негира дека планира да ја нападне Украина, иако одржува масовни воени маневри со сојузникот Белорусија во кои учествуваат околу 30.000 војници.