Пратениците на јапонскиот парламент усвоија резолуција во која укажува на „сериозната ситуација со човековите права“ во Кина и ја повикаа владата на премиерот Фумио Кушида да преземе чекори за смирување на ситуацијата.
Во резолуцијата, која беше усвоена во долниот дом на јапонскиот парламент, се наведува дека меѓународната заедница е загрижена за прашања како што се притворот и кршењето на верските слободи во регионот на Ксинџијанг, Тибет и Хонг Конг.
„Прашањето на човековите права не може да биде само внатрешно, бидејќи човековите права се универзална вредност и валидна причина за загриженост за меѓународната заедница“, се вели во резолуцијата.
Јапонија веќе објави дека нема да испрати државна делегација на Зимските олимписки игри во Пекинг по дипломатскиот бојкот предводен од Соединетие Држави поради загриженоста за човековите права во Кина.
Откако дојде на власт во октомври, јапонскиот премиер постојано повторуваше дека Јапонија нема да ги ублажи зборовите кон Кина кога ќе биде потребно. Во ноември, тој го назначи поранешниот министер за одбрана, генерал Накатани, за свој советник за човекови права.