Специјалниот претставник на Британија за Западен Балкан сер Стјуарт Пич денеска ќе пристигне во дводневна посета на Северна Македонија. Како што соопшти Владината прес-служба, за време на неговата прва официјална посетата на земјава во својство на специјален претставник, Пич ќе има средба со премиерот Димитар Ковачевски, а ќе има одвоени средби и со министерот за надворешни работи Бујар Османи и со министерката за одбрана Славјанка Петровска. Поранешниот шеф на Генералштабот на британската армијата Стјуарт Пич исто така ќе биде ќе биде примен и од претседателот Стево Пендаровски.
Британскиот премиер именуваше специјален пратеник за Западен Балкан
За време на неговиот работен престој во Скопје специјалниот претставник Сер Стјуарт ќе се сретне и со претставници на опозицијата и на дел од младинските организации во земјата. Како Специјален претставник на премиерот, Сер Стјуарт ќе работи со лидерите од Западен Балкан, и другите претставници од регионот и сојузниците од САД и Европа во поддршка и зајакнување на регионалната стабилност. Неговата работа, исто така, ќе вклучи промовирање на силни демократски институции и отворени општества, преку поддршка во справувањето со сериозниот и организиран криминал и другите заеднички безбедносни предизвици. Од Северна Македонија, тој заминува во посета на Бугарија.