Кремљ соопшти дека претседателот Владимир Путин утре ќе биде домаќин на својот ирански колега, Ебрахим Раиси, во услови на преговори за обновување на историскиот нуклеарен договор меѓу Техеран и светските сили.
Тоа ќе биде трета посета на Раиси надвор од Иран, по Таџикистан и соседен Туркменистан, откако го презеде претседателството во август 2021 година, но и прва посета на ирански претседател во Русија од 2017 година.
Москва и Техеран имаат силни политички, економски и воени врски и се клучни сојузници на сирискиот претседател Башар ал Асад во децениската граѓанска војна во неговата земја.
„Путин и Раиси ќе разговараат за „целиот опсег на прашања на билатералната соработка“, вклучително и нуклеарниот договор од 2015 година, со кој беа укинати западните економски санкции во замена за ограничување на нуклеарната програма на Техеран“, се вели во соопштението на Кремљ.
Иранската страна соопшти дека Раиси на 19 јануари ќе замине на дводневна посета на Русија заедно со министрите за нафта, надворешни работи и економија на земјата.
- Израел не е против добар договор за нуклеарната програма на Иран
- Започнаа преговорите за иранската нуклеарна програма
Руски пратеник изјави дека Раиси ќе зборува во Долниот дом на Државната Дума, следниот ден, додека руската новинска агенција ТАСС објави дека иранскиот претседател ќе се сретне и со верските водачи во главната џамија во Москва.
Иранската нуклеарна спогодба почна да се разоткрива во 2018 година, откако претседателот Доналд Трамп еднострано ги повлече Соединетите Држави и ги укина санкциите, што го натера Техеран да се повлече од своите обврски.
Од минатата година, Иран преговара со другите потписнички на договорот САД, Франција, Велика Британија, Русија, Кина и Германија, за враќање на договорот, но преговорите беа прекинати околу пет месеци по изборот на Раиси за претседател.