Предупредувањата за цунами се издадени за неколку земји, вклучително Тонга, Фиџи и Нов Зеланд по големата подводна вулканска ерупција во Пацификот.
На социјалните мрежи беа објавени снимки од Тонга каде брановите погодија една црква и неколку куќи. Очевидци велат дека пепел паѓа врз главниот град Нукуалофу. Се повикуваат жителите веднаш да одат на повисоките места.
Ова е најновата во серијата ерупции на вулканот Хунга Тонга Хунга Хапаи. Траеше осум минути и се слушна како силна бура со грмотевици на Фиџи, оддалечен повеќе од 800 километри, соопштија властите во главниот град Сува.
Облаци од гас, чад и пепел беа исфрлени на висина од 20 километри, соопшти Геолошкиот институт на Тонга.