Поранешниот американски претседател Доналд Трамп изјави дека целосно го поддржува Виктор Орбан за време на изборната кампања, оценувајќи дека унгарскиот премиер е „голем лидер, кого сите го почитуваат“. „Орбан ја сака својата земја со сето свое срце и бара сигурност за својот народ“, рече Трамп, повикувајќи на поддршка за унгарскиот премиер на изборите закажани за април.
Орбан: Унгарија нема да ја промени имиграциската политика
Поранешниот американски претседател ја опиша „извонредната“ работа на Орбан за „заштита на Унгарија, спречување на илегалната имиграција и создавање работни места“, додавајќи дека затоа ја има неговата „целосна поддршка“. За време на неговиот мандат, Трамп го прими Орбан во Вашингтон, и покрај критиките од другите европски лидери за односот на унгарскиот премиер кон мигрантите и ЛГБТ луѓето. Од своја страна, Орбан изрази жалење по претседателските избори во САД на кои Трамп загуби, наведувајќи дека Унгарија изгубила „голема меѓународна поддршка“.