Алијансата за Албанците повика да се формира експертска влада која би распишала предвремени парламентарни избори. Пратеникот од оваа партија Елми Азири денеска на прес-конференција оцени дека државата лошо се менаџира од страна на СДСМ и ДУИ, па затоа ги повика пратениците кои уште ја разгледуваат можноста кон спојување со „бродот што тоне“, да размислат мудро и да се повлечат од таквите авантури.
Азири од Алијанса за Албанците исто така го поддржа предлогот на лидерот на ВМРО-ДПМНЕ, Христијан Мицкоски, Африм Гаши да биде новиот мандатар.
Тој повика на рушење на актуелната Влада, и предвремени парламентарни избори, бидејќи како што рече, Европскиот совет повторно не даде зелено светло за отворање на проговорите за членството на С. Македонија во ЕУ.
Алијансата за Албанците е партија во опозиција. Досега беа во коалиција со Алтернатива, но лидерот на Алтернатива, Африм Гаши реши да се приклучи на владејачкото мнозинство.