Предвреме родено бебе со само 665 грама, по поминати повеќе од два месеци во болница, денеска е пуштено од Универзитетската Клиника за гинекологија и акушерство – Скопје (ГАК), соопштија од Министерството за здравство.
Женското бебе е родено во 29 гестациска недела. Тоа по 67 дена поминати на неонатолошките интензивни одделенија во ГАК денеска тежи 2.190 грама и е испишано од болница.
Трудницата бил хоспитализирана три дена пред раѓањето на бебето - на 5 октомври и во тој период била подложена на предродилен мониторинг и третман.
„Бременоста и била оптоварена со повеќе ризици, вклучувајќи го слабиот раст и развој на фетусот, односно на плодот во утробата на мајката“, се наведува во соопштението од Министерството.
Во земјава во изминатите четири години се постигнати значајни резултати во намалување на вкупната смртноста на родените бебиња, соопшти Министерството за здравство.
„Процентот на преживување на предвремени бебиња значајно се зголеми, односно смртноста од 2016 година кога беше 25 проценти, сега е 8,9 отсто“, се наведува во соопштението.