Апелациониот суд Скопје денеска до Основниот кривичен суд Скопје го достави решението со кое на обвинетиот во повеќе судски предмети Миле Јанакиески, му ја укинува мерката куќен притвор и му ја заменува со мерка претпазливост.
Апелациониот суд ја уважи жалбата на Јанакиески, кој е обвинет во случаите ТНТ, Титаник, Талир, Топлик, Траекторија и Шпански скали и му го укина куќниот притвор, но против него останува мерката претпазливост, односно забрана за напуштање на територијата на државата и Град Скопје, односно обврска обвинетиот да се јавува во судот и забрана за издавање на друга патна исправа.
Јанакиески е во притвор веќе три години, од кои над две години е во домашен притвор.