Полицијата откри десетици мигранти во камион во близина на грчката граница откако патролно возило го следело камионот во близина на градот Стар Дојран, 160 километри јужно од главниот град Скопје. Возачот на камионот и еден патник наеднаш скокнале од возилото во движење, а камионот се свртел и удрил во полицискиот автомобил. Полицајците не се повредени. При проверка на камионот, полицијата открила 42 мигранти – еден од Бангладеш, а останатите од Сирија.
Разбиена балканска мрежа за шверц на мигранти во Европа
Грција: бродот со околу 400 мигранти е во „безбедно пристаниште“
Полицијата соопшти дека тоа е првата поголема група мигранти откриена во Северна Македонија во изминатите шест месеци. Групата е преместена во прифатилиште за мигранти во Гевгелија на границата со Грција. Властите соопштија дека тие ќе бидат депортирани назад во Грција. Северна Македонија е транзитна рута за мигрантите кои се обидуваат да стигнат од Грција до побогатите земји во Западна и Северна Европа. Шверцот со луѓе остана активен во регионот и покрај затворањето на границите и ограничувањата на движењето за време на пандемијата на ковид-19, иако бројките се намалени. Бегалскиот бран предизвика тензии за време на европската миграциска криза во 2015 и 2016 година.