Во пресрет на денешниот Меѓународен ден за елиминација на неказнивоста на злосторствата против новинарите, претставниците на Европската унија посочија дека Унијата ќе застане покрај новинарите и ќе ги заштити каде и да тие се во светот. Како што е наведено во заедничката изјава на високиот претставник на ЕУ за надворешна политика и безбедност Жозеп Борел и потпретседателката Вера Јурова, приказните и гласовите на многу независни новинари продолжуваат да се премолчуваат ширум светот, вклучително и во ЕУ. „Новинарите се соочуваат со зголемен број закани и напади, вклучително и убиства во најтрагични случаи“, се вели во соопштението.
Северна Македонија и 17 други земји со осуда за руското „малтретирање“ на медиумите
Тешко дека талибанците ќе ги казнат убијците на новинари
Според истражувањето на Организацијата на ОН за образование, култура и наука (УНЕСКО), оваа година досега се убиени 44 новинари, а многу повеќе биле нападнати, малтретирани или незаконски затворени. Работата на заштитата на новинарите треба да започне дома, се вели во соопштението, повикувајќи се на препораките на земјите-членки на ЕУ за безбедноста на новинарите, во кои се утврдени конкретни чекори за подобрување на состојбата на новинарите и медиумските работници во рамките на ЕУ. Во соопштението се додава дека ЕУ продолжи да го крева својот глас кога новинарите се под закана во светот.