Бугарскиот претседател Румен Радев закажа предвремени парламентарни избори на 14 ноември, објави денеска неговиот кабинет.
Во соопштението се наведува дека третите избори годинава се закажани по неуспехот да се формира нова влада по изборите во април и јули.
Радев ќе го распушти парламентот на 16 септември и ќе назначи нов вршител на должноста премиер на Бугарија. Покрај парламентарните избори, на 14 ноември во Бугарија ќе се одржат претседателски избори, а Радев ќе биде еден од кандидатите.
- Радев губи дел од поддршката за втор претседателски мандат
- БСП го враќа мандатот за состав на бугарска влада
Тој беше поддржан од партијата Има таков народ, која го освои првото место на изборите на 11 јули, оставајќи ја партијата на поранешниот премиер Бојко Борисов, Граѓани за европскиот развој на Бугарија (ГЕРБ), во опозиција по 12 години.
Партијата не успеа да формира коалиција по гласањето во април, а ИТН, по гласањето во јули, одлучи да не предложи влада, поради што беа распишани третите избори.
Партијата Има таков народ освои 65 места во бугарскиот парламент, одржан на 11 јули, од вкупно 240, а Граѓаните за европски развој на Бугарија, 63 места.
Другите партии во парламентот немаат доволно места за да дадат предлог за формирање влада.