Министрите за здравство од Групата 20 земји-членки на денешниот состанок во Рим треба да разговараат за наредните чекори во глобалните напори за сузбивање на пандемијата на коронавирус.
На дводневниот состанок ќе се разговара и за стратегиите за справување со идни пандемии.
Рим на крајот на октомври ќе биде домаќин и на Самитот на лидерите на Г20.
Италијанскиот министер за здравство Роберто Сперанца вчера беше домаќин на експерти на разговорите за менталното здравје, велејќи дека нема здравје и благосостојба без тоа.
„Во тешките месеци на пандемијата, ова стана уште поважно“, рече тој.
Министрите исто така ќе разговараат за начините за подобрување на споделувањето на научното знаење, како и за поправеден пристап до вакцини.
Во групата 20 членуваат најразвиените индустријализирани земји и земји во развој, како и Европската унија.