Полицијата во Нов Зеланд застрела маж откако влегол во супермаркет во Окленд и прободел повеќе луѓе. Премиерката на Нов Зеланд премиерката Џесинда Ардерн овој настан го оцени како „терористички напад“. Службата за брза помош соопшти дека шест лица биле пренесени во болница, од кои три во критична состојба. Видеата на интернет покажуваат како во паника купувачи бегаат од супермаркет во предградието Ну Лин во Окленд.
Владата на Нов Зеланд одобри построги закони за оружје
„Насилен екстремист презеде терористички напад врз невини Новозеланѓани“, рече Ардерн на брифинг, опишувајќи го напаѓачот како државјанин на Шри Ланка, кој пристигнал во Нов Зеланд пред 10 години. Тој бил убиен една минута од почетокот на нападот, рече таа, додавајќи дека бил инспириран од екстремистичката група Исламска држава.