Соединетите држави го завршија повлекувањето на своите сили од Авганистан. Генералот Френк Мекензи, началник на Централната команда на САД, објави дека сите американски сили го напуштиле аеродромот во Кабул во согласност со рокот до 31 август, одреден од претседателот Џо Бајден. „Тука сум да го објавам завршувањето на нашето повлекување од Авганистан и крајот на воената мисија за евакуација на американските граѓани“, рече Мекензи на брифинг со новинарите.
Првата група Авганистанци пристигна во Скопје, трудница итно однесена во болница
Во Кабул Талибанците со славенички истрели го одбележаа тој момент. „Американските војници го напуштија аеродромот во Кабул и нашата нација доби целосна независност“, рече портпаролот на Талибанците, Забихула Муџахид. Соединетите држави и нивните сојузници евакуираа повеќе од 122.000 луѓе од Кабул од 14 август, ден пред талибанците да ја вратат контролата врз земјата две децении откако беа отстранети од власта со инвазијата предводена од САД во 2001 година. Мекензи рече дека САД беа способни да го евакуираат „огромното мнозинство“ американски граѓани кои сакаа да заминат, или околу 6.000.
Саливен: Талибанците ќе овозможат безбедна евакуација и по 31 август
Бајден ја пофали американската војска за изведувањето на „најголемиот воздушен превоз во историјата на САД“. „Сега, нашето 20-годишно воено присуство во Авганистан заврши“, рече тој. Кога владата и авганистанската армија, поддржани од Запад, паднаа под големата офанзива на Талибанците, САД и нивните сојузници се обидоа да ги спасат своите граѓани, како и Авганистанците во опасност, од кои многумина работеа во меѓународната мисија.