Премиерот Зоран Заев денеска изјави дека сме една од првите земји во процесот на ресоцијализација на членови на семејствата и на повратници борци на терористичката група Исламска држава. Таквата ресоцијализација за борците е уследи откако првин ќе одлежат затворски казни, кои се високи по стандардите на државите сојузници, изјави Заев.
Пред неколку денови Владата соопшти дека е организирано враќање од Сирија и Ирак во државата на четворица терористички борци, пет жени и 14 деца. Децата и жените се во двонеделен карантин по што ќе следи процесот на ресоцијализација. А борците повратници ќе издржуваат казни затвор, по што и за нив ќе има ресоцијализација.
Тој не очекува дека ќе има поголема бројка на повратници од Исламска држава. Според податоците станува збор за педесетина луѓе.
Заев вели дека програмите за ресоцијализација се состојат од тоа да им се најде работа на борците и на членовите на нивните семејства, да им се даде психолошка и социјална поддршка за да може животот да им се врати во нормала.
„Се надевам дека ќе имаме доволно капацитети да спроведеме успешно за да не се мотивираат повторно граѓани, од кои било причини, да се враќаат на таквите недозволиви боишта“, изјави денеска Заев.