Лидерите на ЕУ денеска и утре ќе се состанат во Брисел за да разговараат за ковид-19, економското закрепнување, миграцијата и надворешните односи, вклучително и за односите со Турција и Русија. Самитот за С. Македонија претставува уште една теоретска можност за старт на преговорите во јуни. Во вторникот на Советот за општи работи на Унијата што се одржа во Луксембург Бугарија уште еднаш стави блокада на усвојувањето на преговарачката рамка за отпочнување на преговорите за пристапување на С. Македонија во ЕУ.
На самитот, како што е најавено, ќе биде направен преглед на состојбата со пандемијата и вакцините. Во овој контекст, лидерите ќе се осврнат врз сите преостанати пречки поврзани со правото на слободно движење низ ЕУ. Во согласност со изјавата на членките на Европскиот совет од февруари 2021 година, Комисијата се очекува да даде извештај за научените лекции од пандемијата досега. Лидерите на ЕУ ќе ја разгледаат состојбата во спроведувањето на планот на ЕУ за закрепнување на Европа.
Анкара негира дека Ердоган ја навредил Урсула фон дер Лајен
Во врска со Турција лидерите ќе го разгледаат предлогот за давање 4,18 милијарди долари на Турција за да продолжи да биде домаќин на сириски бегалци до 2024 година. Ова е дел од поголемиот регионален план за поддршка на бегалците за да се спречи тие да стигнат до земјите членки на ЕУ.