Боцвана објави дека е пронајден третиот најголем дијамант во светот

Во Боцвана е пронајден дијамант од 1098 карати, трет најголем дијамант по квалитет за накит, досега најден во светот, соопшти компанијата Дебсвана.

Каменот бил ископан на 1 јуни, изјави Линет Армстронг, директорка на компанијата Дебсвана, која е во заедничка сопственост на владата и јужноафриканската компанија Де Беерс, специјализирана за дијаманти.

Најголемиот познат дијамант е „Калинан“ со над 3100 карати, најден во Јужна Африка во 1905 година. Вториот со 1109 карати беше ископан во 2015 година во рудникот Карове во североисточна Боцвана, која е водечка земја во Африка по производство на дијаманти.