Близок соработник на затворениот руски опозициски политичар Алексеј Навални вели дека мрежата на организации на критичарот на Кремаљ ќе биде распуштена непосредно пред очекуваното судско сослушување на обвинителите кои бараат тие да се прогласат за екстремистички.
На видеото објавено на Јутјуб денеска, Леонид Волков, раководител на мрежата на регионални штабови Навални, го нарече овој потег „удар “, велејќи дека станало „невозможно“ да се одржат организациите во услови на акција на руските власти.
Градскиот суд во Москва се очекува да донесе одлука за предлогот на обвинителите за означување како „екстремистички“ на три организации поврзани со Навални - Фондацијата за борба против корупција, Фондацијата за заштита на правата на граѓаните и регионалното седиште на Навални.
Обвинителите рекоа дека организациите биле „ангажирани во создавање услови за дестабилизација на социјалната и социополитичката состојба под маската на нивните либерални пароли“.
Рускиот суд ги суспендираше активностите на фондациите на Навални
Активистите за права остро го критикуваа предлогот на обвинителот како „скандалозен“ обид за замолчување и угнетување на какво било спротивставување и несогласување во земјата.
„Зачувувањето на активностите [во седиштето на Навални низ Русија] во сегашната форма е невозможно“, рече Волков.
Очекуваната судска пресуда значи дека секој што е поврзан со активностите „веднаш ќе биде обвинет за екстремизам и ова ќе доведе до затворски казни за оние кои работат во организациите, за оние кои соработуваат со нив и за оние кои им помагаат“, додаде Волков.
Според руските закони, членството или финансирањето на „екстремистичка“ организација се казнува со затвор до 10 години.