Црногорскиот премиер бара смена на министерот за правда заради изјавата за Сребреница

Црногорскиот премиер Здравко Кривокапиќ предложи смена на министерот за правда Владимир Лепосавиќ поради неговиот став за геноцидот во Сребреница. На вонредна прес-конференција, Кривокапиќ објави дека веќе испратил предлог за смена на Лепосавиќ до Парламентот на Црна Гора.

За време на седницата на црногорскиот парламент на 26 март, Владимир Лепосавиќ рече дека е подготвен да признае дека геноцидот се случил во Сребреница „кога тој е недвосмислено утврден“. Лепосавиќ, исто така, го оспори легитимитетот на Хашкиот трибунал за поранешна Југославија, кој пресуди дека геноцидот се случил во Сребреница.