Министерството за внатрешни работи информира дека забраната за движење во периодот од 22 часот синоќа до 05 часот изутрината не ја почитувале 28 лица. Од министерството додадваат дека во текот на изминатото деноноќие на територијата на државата, за мерката носење лична заштита на лице, регистрирани се 369 прекршоци.
Министерството за внатрешни работи апелира до граѓаните да ги почитуваат мерките и протоколите донесени од Владата и сите заеднички да придонесеме за спречување на ширењето на ковид-19.
Утре изутрина во 05 часот престанува да важи одлуката на Владата за воведување полициски час. Забраната за движење на населението во временски период од 22 часот до 5 часот наутро беше воведена на 10 март.