Околу 50 илјади граѓани од дијаспората се самопопишани во првите десет дена од пописот, соопшти денеска министерот за надворешни работи Бујар Османи во видео-обраќање објавено на неговиот Фејсбук профил.
Тој вели дека Министерството за надворешни работи е посебно ангажирано во овој процес и има отворено посебни телефонски линии опремени со најсовремените дигитални алатки ватсап/вајбер за да може граѓаните од која било точка на планетава да се обратат. Османи нагласи дека апликацијата функционира едноставно, а амбасадите низ целиот свет се ангажирани да направат акциски планови за да можат да стигнат до секој граѓанин.
„Во Рим имавме исклучително добри посети. Се сретнавме со наши граѓани и со здруженија на граѓани. Луѓето се посебно заинтересирани за пописот, но и воопшто за враќање на врските во земјата. Следната недела заминуваме за Берн и Шпанија. Затоа е важно да им обезбедиме на луѓето информации, да ги слушаме, да бидеме трпеливи. Луѓето ќе го ценат тоа, а и целиот овој процес е важен за сите нас“, истакна министерот за надворешни работи.
Мицкоски со писмо до амбасадорите бара помош за одложување на пописот
Првата фаза од Пописот на населението, домаќинствата и становите почнa на 1 март со попишување на вработените во дипломатско-конзуларните претставништва и нивните семејства, на дијаспората, припадниците на Армијата во странство, затворениците и бездомниците. Оваа активност ќе трае до 21 април, кога и официјално треба да заврши пописот, кој ќе започне на 1 април.