Унгарија како прва членка на Европската унија денеска ќе започне вакцинирање со вакцини купени од кинеската компанија Синофарм, објави унгарската влада. Десничарската влада на Унгарија, силен критичар на бавното распределување на вакцините во ЕУ, е прва од 27-те земји-членки што купија и одобрија руски и кинески вакцини кои сè уште не се одобрени од Брисел. Унгарија во јануари објави дека постигнала договор со Синофарм да купи 5 милиони дози од својата вакцина. Новите инфекции со ковид-19 започнаа рапидно да растат во Унгарија во третиот бран на пандемијата.
ЕУ го зголеми притисокот врз Унгарија за законот за невладини организации
Премиерот Виктор Орбан, кој е желен за повторно отворање на економијата, сака да ја забрза програмата за вакцинирање по одложувањата во испораките на западните производители на лекови на вакцините одобрени од ЕУ. Во програмата на Унгарија се вклучени и вакцините развиени од американската компанија Модерна и англо-шведската фирма АстраЗенека. Втората вакцина се користи во Унгарија за вакцинирање на лица на возраст меѓу 18 и 59 години кои страдаат од хронични болести.