Министрите за надворешни работи на ЕУ се очекува на 22 февруари да одобрат нови санкции за Русија во врска со затворањето на опозицискиот политичар Алексеј Навални и акциите против неговите сојузници.
Високи дипломати на 27-те земји членки на ЕУ кои се собираат во Брисел, најверојатно ќе користат мерки насочени кон руски индивидуалци и институции, како што се замрзнување на средства, забрани за визи, според новиот инструмент за санкции на блокот за казнување на прекршителите на човековите права.
Чекорот следува по неколкунеделна дебата во ЕУ, откако Навални беше уапсен минатиот месец по неговото враќање во Германија каде се опоравуваше од труење со нервен агенс, за кое тој и неговите приврзаници велат дека било наредено од рускиот претседател Владимир Путин.
Во октомври ЕУ стави шест руски претставници на црната листа поради труењето на Навални со нервниот агенс Новичок.
Одлуката за воведување на нови мерки против Русија ќе резултира само со тоа што министрите за надворешни работи ќе им наложат на дипломатските служби на ЕУ да подготват список на санкции за лица кои се одговорни за осудувањето на Навални и евентуално за обидот за атентат врз него.