Турскиот претседател Реџеп Таип Ердоган повика на нов устав и предизвика изненадување на две години пред претседателските избори во Турција, а многу аналитичари и противници на Ердоган велат дека тој сака предвремени избори. „Јасно е дека во основата на проблемите на Турција се уставите напишани од пучистите во 60-тите години на минатиот век. Можеби е време Турција повторно да ја отвори дебатата за новиот Устав“, рече Ердоган и додаде дека секој нацрт устав ќе биде предмет на референдум. Во 2017 година, Ердоган го ревидираше Уставот по обидот за државен удар.
Турција се надева дека разговорите за Медитеранот можат да ги смират немирните води со ЕУ
Според таа ревизија, Турција премина во претседателски систем на управување што му даде зголемувања на овластувањата на Ердоган. 66-годишниот Ердоган е на власт од 2003 година, најпрвин како премиер, па како претседател од 2014 година. Актуелниот Устав теоретски му дозволува да биде на чело на земјата до 2028 година. Претседателските избори се закажани за 2023 година.